Füzuli Dövlət Dram Teatrında Nicat Mirzənin quruluşunda Sevinc Elsevərin "Həyat elə bir oyun ki ..." mono tamaşası Füzuli rayon təhsil işçilərinə nümayiş olunub.
Liderxeber.az xəbər verir ki, Sevinc Elsevərin qələmə aldığı "Həyat elə bir oyun ki" əsəri sual dolu oyundan bəhs edir. Rejissorun yozumu ilə bu oyun fərqli çalarlara yol açır. Tamaşa bəxti gətirməyən bir qadından, aktrisadan bəhs edir. Eyni zamanda o aktrisa həyatda əzilmiş qadındır. Bu onun öz həyatıdırmı? Bəlkə də hə, bəlkə də yox. Özü demişkən, bizim bu yerlərin qadınlarının əksəriyyətinin taleyi belədir...
Tamaşada qadın obrazını teatrın ali dərəcəli aktrisası İntizar Quliyeva canlandırıb.
Qeyd edək ki, tamaşanın quruluşçu rəssamı Ellinaz Balaşova, musiqi tərtibatçısı Ziyad Süleymanovdur.
Tamaşa alqışlarla bitib və xatirə şəkli çəkdirilib.
