Kaliforniyanın cənubunda baş verən meşə yanğınları nəticəsində dəyən iqtisadi zərər 135-150 milyard dollar təşkil edə bilər.
Lidexeber.az xəbər verir ki, bu barədə "AccuWeather" konsaltinq şirkətinin nümayəndəsi Bill Veydell məlumat verib.
"AccuWeather" Cənubi Kaliforniyada meşə yanğınları nəticəsində dəyən ümumi zərər və iqtisadi itkilərlə bağlı ilkin qiymətləndirməsini 135-150 milyard dollara qədər artırıb", - deyə Veydell özünün "X" profilində yazıb.
Əvvəllər şirkət zərərin 52-57 milyard dollar olduğunu açıqlamışdı.
"AccuWeather" nümayəndəsinin sözlərinə görə, şirkətin meteoroloqları gələn həftə də regionda güclü küləyin və meşə yanğınları təhlükəsinin davam edəcəyini proqnozlaşdırırlar.
