Türkiyənin Paxlava və Şirniyyat İstehsalçıları Dərnəyinin rəhbəri Mehmet Yıldırım bildirib ki, Suriyada iqtisadi vəziyyətin yaxşılaşması Türkiyədə qənnadı məhsullarının qiymətini azalda bilər.
Liderxeber.az bu barədə Türkiyə KİV-ə istinadən xəbər verir.
Mehmet Yıldırım bildirib ki, Türkiyə ilə Suriya arasında qurulacaq iqtisadi əməkdaşlıqda püstə əhəmiyyətli rola malikdir.
Mehmet Yıldırım bildirib ki, püstənin dünya bazarında bahalaşması türkiyəli qənnadıçıları çətin vəziyyətə salıb.
"Suriyadan idxal edilən püstə bazarda qiymətlərə tarazlıq gətirə, bu isə öz növbəsində, misal üçün, paxlavanın qiymətinin enməsi ilə nəticələnə bilər", - deyə Mehmet Yıldırım qeyd edib.
