Yaponiyanın Kumamoto prefekturasında üç nəfərin olduğu turist helikopterinin yoxa çıxdığı bildirilir.
Liderxeber.az xəbər verir ki, bu barədə “Yomiuri Shimbun” qəzeti məlumat yayıb.
Bildirilib ki, Yaponiya Torpaq, İnfrastruktur, Nəqliyyat və Turizm Nazirliyi helikopterin Kumamotodakı Aso dağı ətrafında uçuş həyata keçirməsinin planlaşdırıldığını açıqlayıb.
Rəsmi bəyanata əsasən, helikopterdə pilot və Tayvandan olan iki sərnişin olub.
Qeyd olunub ki, helikopter uçuş zamanı təcili siqnal göndərib, lakin planlaşdırılan vaxtda bazaya qayıtmayıb. Bunun ardınca ərazidə axtarış-xilasetmə əməliyyatlarına başlanılıb.
Hadisə ilə bağlı araşdırmalar davam etdirilir.
