Avstraliya etnik zəmində nifrəti qızışdırdığına və nasist simvollarının nümayişinə görə ilk dəfə olaraq əcnəbinin ölkəyə giriş vizasını ləğv edib.
Liderxeber.az xəbər verir ki, bu barədə ölkənin daxili işlər naziri Toni Börk ABC açıqlamasında bildirib.
Nazir bildirib ki, yəhudi icmasına nifrətə əsaslanan nasistyönlü ideoloji görüşlərin daşıyıcısı olan 43 yaşlı Britaniya vətəndaşının vizası ləğv ediləcək və o, Avstraliyadan deportasiya olunacaq:
"Bizim ölkəmizə gələnlərin demək olar hamısı yaxşı insandır və arzuolunan şəxsdir, lakin bura nifrəti qızışdırmaq üçün gələn hər kəs getməlidir".
Avstraliya Federal Polisi Britaniya vətəndaşını federal qanunları pozan paylaşımlar yaymaq məqsədi ilə iki "X" sosial şəbəkə hesabından istifadə etdiyi üçün saxlayıb. O, qadağan olunmuş nasist simvollarının nümayişində, hədə-qorxu gəlməkdə və yəhudi icmasının üzvlərini internetdə təqib etməkdə ittiham olunur.
