Mayın 19-da saat 08:30-da Sumqayıt şəhəri Bakı küçəsində sərnişin avtobusu ilə "Toyota Avensis" markalı avtomobilin toqquşması nəticəsində xəsarət alanların sayı artıb.
Liderxeber.az-ın əldə etdiyi məlumata görə, hadisə nəticəsində avtobusun yeddi sərnişini müxtəlif dərəcəli xəsarətlər alıb. Onlara zəruri tibbi yardım göstərilib və ambulator müalicə üçün evə buraxılıblar.
Faktla bağlı Sumqayıt Şəhər Polis İdarəsində təhqiqat araşdırması aparılır, müvafiq ekspertizalar təyin edilib.
"Sumqayıtda baş verən yol-nəqliyyat hadisəsi səbəbilə 19 may saat 9:30-da Sumqayıt Tibb Mərkəzinin nəzdində olan Təcili Tibbi Yardım Xəstəxanasına dörd nəfər (qadın cinsli) hospitalizasiya olunub".
Bu barədə sorğuya cavab olaraq Tibbi Ərazi Bölmələrini İdarəetmə Birliyindən (TƏBİB) məlumat verilib.
Bildirilib ki, müxtəlif bədən xəsarətləri alan şəxslərə Təcili tibbi yardım şöbəsində zəruri tibbi yardımlar göstərilib:
"Vəziyyətləri qənaətbəxş olan şəxslər ambulator müalicə üçün evə buraxılıblar".
