Füzuli Dövlət Dram Teatrının direktoru, Əməkdar mədəniyyət işçisi Vaqif Vəliyevin son sağlıq durumu açıqlanıb.
Direktorun müalicə olunduğu "Məlhəm" hospitalın Reanimasiya və intensiv terapiya şöbəsinin rəhbəri Zaur Ağayev Oxu.Az-a açıqlamasında onun palataya köçürüldüyünü bildirib.
"Vaqif müəllim artıq palataya köçürülüb. Təzyiqi, bütün göstəriciləri stabildir. Huşu normal, aydın və adekvatdır. Artıq yavaş-yavaş özü qidalanmağa başlayıb. Ağciyər rentgeninin nəticələri normaldır, süni oksigen tələbatı yoxdur. Digər orqanların hamısı qaydasındadır. Uzun müddət yataq vəziyyətində olub, indi yavaş-yavaş oturduruq. Hazırda vəziyyəti stabil olaraq qalmaqdadır", - deyə həkim bildirib.
