UEFA Çempionlar Liqasının əsas mərhələsinin sonuncu - VIII turunda "Qarabağ" bu gecəyarısı növbəti oyununa çıxacaq.
Liderxeber.az xəbər verir ki, təmsilçimiz İngiltərənin "Liverpul" klubu ilə üz-üzə gələcək.
"Enfield Road" stadionunda keçiriləcək matç Bakı vaxtı ilə saat 00:00-da start götürəcək.
Qarşılaşmanı slovakiyalı FIFA referisi İvan Krujlyak idarə edəcək. Branislav Hançko və Yan Pozor oyunun baş hakiminin köməkçiləri olacaqlar. Dördüncü hakim funksiyasını Peter Kraloviç yerinə yetirəcək. VAR-da niderlandlı Pol van Boekel, AVAR-da isə belçikalı Yan Boterberq əyləşəcəklər.
Xatırladaq ki, "Qarabağ" UEFA Çempionlar Liqasının əsas mərhələsinin yeddi turunda üç qələbə, bir heç-heçə və üç məğlubiyyətdən sonra 10 xal toplamağı bacarıb və turnir cədvəlində 18-ci yerdə qərarlaşıb.
29 yanvar
UEFA Çempionlar Liqası
VIII tur
Saat 00:00, "Liverpul" - "Qarabağ".
