"Real Madrid"in məşhur müdafiəçisi David Alaba karyerasını Türkiyədə davam etdirə bilər.
Liderxeber.az xəbər verir ki, bu barədə "Fanatik" nəşri məlumat yayıb.
Məlumata görə, İstanbul təmsilçisi klubu ilə müqaviləsi mövsümün sonunda başa çatacaq avstriyalı futbolçunu transfer etmək üçün bütün mümkün variantlara əl atacaq.
"Transfermarkt"ın məlumatına görə, Alabanın transfer qiyməti 2019 və 2020-ci illərdə 65 milyon avroya yüksəlib. 33 yaşlı müdafiəçinin hazırkı satış qiymətinin 4 milyon avro olduğu bildirilir.
Məşhur futbolçu "Real Madrid"ə 2021-ci ildə "Bavariya"dan azad agent statusu ilə pulsuz transfer edilib. O, İspaniyada oynadığı müddətdə bir neçə dəfə ciddi zədələr aldığından, xeyli müddət yaşıl meydanlardan kənarda qalıb.
