Azərbaycanın yunan-Roma güləşçisi Həsrət Cəfərov (67 kq) Səudiyyə Ərəbistanının paytaxtı Ər-Riyadda keçirilən VI İslam Həmrəyliyi Oyunlarının finalına vəsiqə qazanıb.
Liderxeber.az xəbər verir ki, 1/8 finalda əfqanıstanlı rəqibi Məhəmməd Zadanı 9:0 hesabı ilə məğlub edən idmançımız 1/4 finalda qırğızıstanlı Razzak Beişekeyevi 5:3 hesabı ilə üstələyərək yarımfinala vəsiqə qazanıb.
Yarımfinalda misirli Mohamed Abdelrehimə 4:1 hesabı ilə qalib gələn Həsrət Cəfərov finala vəsiqə qazanıb.
Digər güləşçimiz Nihat Məmmədli (60 kq) 1/4 finalda özbəkistanlı Alişer Qaniyevə 0:3 hesabı ilə uduzub. Ülvü Qənizadə 1/8 finalda iranlı Amir Abdiyə 0:9 hesabı ilə yenilib. Rəqibi finala vəsiqə qazandığı üçün Qənizadə təsəlliverici görüşdə iştirak edəcək.
İslam Abbasov (87 kq) isə 1/4 finalda iranlı Qulamreza Faroxisencaniyə 0:3 hesabı ilə məğlub olub.
Qeyd edək ki, VI İslam Həmrəyliyi Oyunları noyabrın 21-də başa çatacaq.
