Azərbaycan Futbol Federasiyaları Assosiasiyası (AFFA) İntizam Komitəsi "Kəpəz" Futbol klubunu və "Neftçi" Futbol Klubunu cərimələyib.
Liderxeber.az xəbər verir ki, bu barədə AFFA məlumat yayıb.
"Kəpəz" klubu "İmişli" ilə oyunda azarkeşləri tərəfindən hakimlərin ünvanına kütləvi şəkildə təhqiramiz ifadələr səsləndirildiyinə görə və bu hal cari mövsümdə ikinci dəfə təkrarlandığı üçün 6000 manat cərimələnib.
Həmin matçda klub azarkeşlərinin pirotexniki vasitədən istifadə etdiyinə görə daha 3000 manat cərimə edilib. Həmçinin "Kəpəz" klubu görüşün 25-ci dəqiqəsində qapıçısı Məmməd Hüseynovun xəsarətlə nəticələnən ciddi qayda pozuntusuna görə birbaşa qırmızı vərəqə aldığı üçün isə 1000 manat cərimələnib. 26 yaşlı futbolçu isə 4 oyunluq diskvalifikasiya edilib.
"Neftçi" klubu isə səfərdə "Qəbələ" ilə oyundan sonra azarkeşləri tərəfindən pirotexniki vasitədən istifadə edildiyinə görə 3000 manat məbləğində cərimə edilib.
