Bir neçə gün öncə Azərbaycan minifutbol yığması tarixi nailiyyətə imza ataraq Bakıda keçirilən dünya çempionatının qalibi olub.
Liderxeber.az xəbər verir ki, turnir boyunca azarkeşlər milli komandaya öz dəstəyini əsirgəmədilər. Həmin azarkeşlərdən biri də Bakı sakini Arzu Kərimovadır. Xanım azarkeş xüsusən də çempionatın final mərhələsində komandamızı Milli Gimnastika Arenasında övladları ilə birlikdə dəstəkləyib. Tarixi gündən xanım azarkeşin ailəsinə ən böyük hədiyyə matçda oynılan top olub. Arzu Kərimova Liderxeber.az-a açıqlamasında bunları deyib:
"Əslində həmin top bir nəfərə verilib. Sadəcə övladlarımın istəyilə topun sahibini tapdım. Ona da təşəkkürümü bildirirəm ki, xahişimi yerə salmayıb topu mənə verdi. Bunun üçün çox xoşbəxtik".
Qeyd edək ki, Azərbaycan minifutbol yığması Bakıda keçirilən dünya çempionatının qalibi olub. Komandamız final görüşündə Macarıstanla üz-üzə gəlib.
Yığmamız rəqibini 4:2 hesabı ilə məğlub edərək qızıl medallara sahib çıxıb.
