Dünyanın ən pis 100 yeməyi müəyyən edilib.
Liderxeber.az haber global-a istinadən xəbər verir ki, bu siyahıya Türkiyədən də bir yemək daxil edilib və 67-ci yerdə qərarlaşıb.
Məşhur səyahət bələdçisi TasteAtlas ləzzət tənqidçilərinin rəylərini və yeməklər haqqında aparılan araşdırmaları bir araya gətirərək dünyanın ən pis yeməklərinin siyahısını təqdim edib. Siyahıda bir çox ölkənin qeyri-adi yeməkləri yer alıb.
Türkiyədən isə Kapuska yeməyi 67-ci sırada yer alıb.
Siyahının ilk 10 yeməyi isə bunlardır:
- Blodpalt (Finlandiya): Çovdar unu və heyvan qanından hazırlanan kotletlər.
- Bocadillo de Sardinas (İspaniya): Sardina ilə hazırlanan sendviç.
- Calskrove (İsveç): Calzone pizzası içində hamburger və kartof qızartması.
- Angulas A La Cazuela (İspaniya): Balaca ilan balıqları ilə hazırlanan ənənəvi yemək.
- Jellied Eels (İngiltərə): Jöle ilə hazırlanan ilan balıqları.
- Ramen Burger (Amerika): Ramen əriştəsindən hazırlanmış çörəklər arasına qoyulmuş burger.
- Chapalele (Çili): Kartof və undan hazırlanan ənənəvi çörək.
- Faves A La Catalana (İspaniya): Paxla və qan sosisi ilə hazırlanan yemək.
- Thorramatur (İslandiya): Fermentləşdirilmiş köpək balığı əti və digər ənənəvi məhsullar.
- Kaeng Tai Pla (Tayland): Fermentləşdirilmiş balıq bağırsaqları ilə hazırlanan ədviyyatlı köri yeməyi.
