Maliyyə cinayətlərində ittiham edilən məşhur türkiyəli fenomen Dilan Polatdan sonra onun əri Engin Polat da azadlığa buraxılıb.
Liderxeber.az xəbər verir ki, məhkəmə Engin Polat, qardaşı Alper Kürşat və atası Sezgin Polatın istintaq müddətində sərbəst qalmasına qərar verib.
Xatırladaq ki, Dilan Polat avqustun 19-u sərbəst buraxılmışdı. O, ərinin təxliyə edilməsi ilə bağlı paylaşım da edib.
Qeyd edək ki, Türkiyədə keçirilən əməliyyatlar çərçivəsində ötən il noyabrın 1-də fenomen Dilan Polat və həyat yoldaşı Engin Polat, həmçinin Dilanın bacısı Sıla Doğu, Enginin qardaşı Kürşat Polat daxil olmaqla 24 nəfər saxlanılıb.
