Macarıstan və Slovakiyanın vetolarının ləğvindən sonra Avropa İttifaqı (Aİ) səfirləri Kiyev üçün 90 milyard avro maliyyələşdirməni və Rusiyaya qarşı 20-ci sanksiya paketini təsdiqləyiblər.
Liderxeber.az-ın TASS-a istinadən xəbərinə görə, bu barədə Aİ Şurasında Kipr sədrliyinin nümayəndəsi Brüsseldə jurnalistlərə məlumat verib:
"Səfirlər Kiyev üçün 90 milyard avro kredit və Rusiyaya qarşı 20-ci sanksiya paketini təsdiqlədilər".
Daha əvvəl Rusiya neftinin Ukrayna ərazisindən keçən "Drujba" neft kəməri ilə Macarıstan və Slovakiyaya tranzitinin başlanmasına dair məlumatlar yayılmışdı. Hansı ki, bu məhdudiyyət fevral ayından bəri sözügedən vetoların ləğv edilməsi üçün şərt idi.
