İran bölgədə yerləşən Amerika Birləşmiş Ştatları bazaları və İsrail şəhərlərini hədəf alan yeni raket hücumlarının başladığını bəyan edib.
Liderxeber.az xəbər verir ki, bu barədə İran İnqilab Keşikçiləri Korpusu açıqlama yayıb.
İran dövlət televiziyası isə “Əsl Vəd-4” əməliyyatının 47-ci hücum dalğası ilə bağlı məlumat verib.
Bəyanatda bildirilib ki, hücumlar zamanı İsrailin Negev səhrasında yerləşən Beer-Şeva, Nevatim hava bazası və Lid şəhərləri hədəfə alınıb.
Eyni zamanda, Qətərdə yerləşən ABŞ-nin Əl‑Udeid hava bazası və İraq ərazisində fəaliyyət göstərən Komele təşkilatına qarşı da raket zərbələri endirildiyi bildirilib.
Açıqlamada hücumlar zamanı ağır döyüş başlıqlarına malik Xayber Şekan ballistik raketi və Qədr ballistik raketindən istifadə edildiyi qeyd olunub.
