Məşhur “Gossip Girl” serialının aktrisası Mişel Traxtenberq 39 yaşında vəfat edib.
Liderxeber.az xarici KİV-ə istinadən xəbər verir ki, o, bu yaxınlarda qaraciyər transplantasiyası əməliyyatı keçiribmiş.
Məşhur aktrisa səhər saat 8 radələrində Nyu-Yorkdakı mənzilində ölü tapılıb.
Onun ölümünün təbii səbəblərdən olduğu düşünülsə də, dəqiq səbəb məhkəmə-tibbi ekspertizası tərəfindən müəyyən ediləcək.
Qeyd edək ki, aktrisa “Gossip Girl” serialındakı “Georgina Sparks” rolu ilə şöhrət qazanmışdı.