2015-05-18 15:38

Bakı Ali Neft Məktəbi Böyük Britaniyanın Heriot-Vatt Universiteti ilə birgə magistr hazırlayacaq

Bakı Ali Neft Məktəbi İctimaiyyətlə əlaqələr şöbəsindən LiderXeber.az-a verilən məlumata görə, Bakı Ali Neft Məktəbinin (BANM) rektoru Elmar Qasımov Böyük Britaniyanın Heriot-Vatt Universitetinin Mühəndislik və təbiət elmləri fakültəsinin rəhbəri Stefan Makloxlini qəbul edib. 

Görüşdə Bakı Ali Neft Məktəbi ilə Herriot-Vatt Universiteti arasında ikitərəfli əməkdaşlıq məsələləri müzakirə olunub. Rektor Elmar Qasımov Bakı Ali Neft Məktəbinin Herriot-Vatt Universiteti ilə əlaqələrinin BANM üçün əhəmiyyət daşıdığını və Böyük Britaniya ali təhsil sisteminin ölkəmizdə tətbiqi üçün imkan yaratdığını deyib.

Öz növbəsində, Böyük Britaniyanın Heriot-Vatt Universitetinin Mühəndislik və təbiət elmləri fakültəsinin rəhbəri Stefan Makloxlin təmsil etdiyi ali təhsil müəssisəsinin BANM ilə əməkdaşlığa maraq göstərdiyini vurğulayıb.

Görüşdə, gələcək əməkdaşlıq perspektivləri muzakirə olunub, tələbələrin göstəriciləri, gələcəkdə birgə magistr proqramlarının həyata keçirilməsi barədə razılığa gəliblər.

Tel: (012) 521-33-54

http://www.bhos.edu.az


SON XƏBƏRLƏR


Yuxarı