2015-04-17 17:26

Bakıda Azərbaycan-Sinqapur biznes forumu keçirilib

Bakı Biznes Mərkəzində İqtisadiyyat və Sənaye Nazirliyinin dəstəyi, Azərbaycanda İxracın və İnvestisiyaların Təşviqi Fondunun (AZPROMO) təşkilatçılığı ilə Azərbaycan-Sinqapur biznes-forumu keçirilib.

İqtisadiyyat və Sənaye Nazirliyinin Mətbuat xidmətindən LiderXəbər-ə verilən məlumata görə, tədbirdə 50-dən çox iş adamı iştirak edib.

Biznes-forumda AZPROMO-nun rəhbəri Rüfət Məmmədov sinqapurlu iş adamlarını azərbaycanlı həmkarları ilə fəal əməkdaşlığa dəvət edib.

Sinqapur nümayəndə heyətinin rəhbəri, "Kenetics Innovations” şirkətinin icraçı direktoru Ken Vonq ölkəsinin iş adamları arasında sürətlə inkişaf edən Azərbaycan iqtisadiyyatına marağın böyük olduğunu bildirib, iki ölkə sahibkarları arasında əməkdaşlığın genişləndirilməyi, yeni əlaqələrin qurulmağı baxımından ikitərəfli görüşlərin və biznes-forumların əhəmiyyətini diqqətə çatdırıb.

AZPROMO-nun nümayəndəsi Natiq Mədətovun Azərbaycanın biznes mühiti və investisiya imkanlarına, Sinqapur Ticarət və Sənaye Nazirliyinin nümayəndəsi Aries Teonun Sinqapurun iqtisadiyyatı və biznes mühitinə dair təqdimatları maraqla qarşılanıb.

Biznes-forum iş adamları arasında əməkdaşlıq imkanlarının müzakirə edildiyi ikitərəfli görüşlərlə davam etdirilib.

SON XƏBƏRLƏR


Yuxarı