2017-07-08 10:12

BMT-nin qərargahı qarşısında Ermənistana etiraz edildi - FOTO

İyulun 4-də Ermənistanın silahlı qüvvələri tərəfindən Füzuli rayonunun Alxanlı kəndini atəşə tutması nəticəsində Sahibə Allahverdiyeva və onun iki yaşlı nəvəsi Zəhra Quliyevanın həlak olması, həmçinin Səlminaz Quliyevanın ağır yaralanması ilə əlaqədar BMT-nin mənzil-qərargahı qarşısında etiraz aksiyası keçirilib.

LiderXeber.az xəbər verir ki, Azərbaycanın BMT yanında Daimi Nümayəndəliyi tərəfindən təşkil edilən aksiyada Nyu York şəhərində fəaliyyət göstərən "Azerbaijan New York Association", "Azerbaijani American Women Association of New York" və digər təşkilatların fəalları iştirak ediblər.

Aksiya iştirakçıları Ermənistanın işğalçı ölkə olduğunu əks etdirən, habelə azyaşlı Z.Quliyevanın cəsədinin mediada yayılmış fotoşəkillərdən ibarət transparantları ətrafda yığılan əcnəbi diplomatlara nümayiş etdirilib, "Mən Zəhrayam!”, "Zəhraya ədalət!”, "Erməni terrorunu qınayın”, "Ermənistan uşaq qatilidir!”, "Ermənistan soyqırım günahkarıdır!” şüarlarını səsləndiriblər. Aksiyada hadisə ilə bağlı əcnəbilərə bukletlər paylanılıb, ətraflı məlumat verilib, çıxışlar edilib. (AzərTAc)



Günay Cəfərova

LiderXeber.az


SON XƏBƏRLƏR


Yuxarı