2016-12-08 10:26

“Qarabağ”ın futbolçusu qəza törətdi - 6 aylıq körpə öldü

Yol-nəqliyyat hadisəsindən sonra Emil Balayev polis tərəfindən saxlanılıb.

Tanınmış futbolçu, "Qarabağ”ın qapıçısı Emil Balayev qəza törədib.

LiderXeber.az xəbər verir ki, hadisə Suraxanı rayonunda, Ağdam klubunun bazasının yanında baş verib. Belə ki, qolkiperin idarə etdiyi "BMW X5" markalı 10 0H 111 nömrəli avtomobil ilə "Mercedes" markalı avtomobili vurub. 

"Mercedes"də olan 6 aylıq körpə ölüb. Valideynlərinin vəziyyətinin ağır olduğu bildirilir.

Yol-nəqliyyat hadisəsindən sonra Emil Balayev polis tərəfindən saxlanılıb.

Qeyd edək ki, Emil Balayev peşəkar karyerasına "Neftçi"də başlayıb. Daha sonra o, icarə əsasında "Sumqayıt" və "Mil Muğan"da çıxış edib. Balayev legioner həyatı yaşamağa da nail olub. 2015-ci ildə "Ayntraxt"a keçən futbolçu 1 il sonra Azərbaycana qayıdıb və "Qarabağ"la müqavilə imzalayıb. O, Azərbaycan milli komandasına da dəvət alıb. /qafqazinfo/

Günay Cəfərova

LiderXeber.az
SON XƏBƏRLƏR


Yuxarı