2016-11-14 10:09

Azərbaycanda bu şəxslərin maaşı artıb - VİDEO

Bu artım vahid tarif cədvəlinə əsasən əməyin ödənilməsinin 19- cu dərəcəsi əsasında aparılacaq.

Bu yaxınlarda prezident İlham Əliyevin sərəncamına əsasən bir sıra səhiyyə müəssisələrində həkimlərin maaşları artırıldı. Artım isə xüsusi bir dərəcə planı əsasında həyata keçrilir. Bəs bu dərəcələr necə müəyyənləşir və bu günə qədər bundan nəqədər həkim faydalanıb?

Bir sıra səhiyyə müəssisələrində həkimlərin maaşı artırılıb. Bu artım vahid tarif cədvəlinə əsasən əməyin ödənilməsinin 19-cu dərəcəsi əsasında aparılacaq.

LiderXeber.az xezerxeber.com-a istinadən bildirir ki, dəyişikliyə əsasən, bundan sonra 1-ci dərəcə üçün həkimlərin aylıq vəzifə maaşları 116 manat, 19-cu dərəcə üçün 750 manat olacaq. Bu dərəcələr artdıqca müvafiq olaraq aylıq vəzifə maaşları da artır.

Ən aşağı dərəcələr, 2-dən 5-ə kimi fəhlələrdir. 5-dən 7 kimi tibb bacısı vəzifəsində çalışanlardır. 9-dan 19-cu dərəcəyə qədər olanlar isə həkimlərdir.

Dərəcələrin dəyişmə prosesi isə tibb işçilərinin tutduqları vəzifədən və iş stajına görə müəyyənləşdirilir.

Bu sistemin tətbiqi ilə hazırda daha 2 min səhiyyə işçisinin maaşı artırılıb. Beləliklə ölkə üzrə onların sayı 5 minə çatıb. Artımdan faydalanan həkimlərin çoxu paytaxtda cəmləşib.



Günay Cəfərova

LiderXeber.az
SON XƏBƏRLƏR


Yuxarı