2016-10-11 11:15

Bakının Suriyaya yardım göndərməsinə - Rəsmi cavab

Azərbaycanın Suriyaya humanitar yardım göndərməsi barədə məlumat yoxdur.

Azərbaycanın Suriyaya humanitar yardım göndərməsi barədə məlumat yoxdur.
 
LiderXeber.az xəbər verir ki, bunu Trend-ə açıqlamasında Azərbaycan Fövqəladə Hallar Nazirliyinin mətbuat xidmətinin rəhbəri Oqtay Bayramov deyib.
 
Onun sözlərinə görə, təmsil etdiyi quruma bu məsələ ilə bağlı hər hansı məlumat daxil olmayıb:
 
"Azərbaycanın hər hansı ölkəyə yardım göndərməsi üçün Nazirlər Kabineti qərar qəbul etməlidir. Bundan sonra Fövqəladə Hallar Nazirliyi qərarı icra edir. Hələlik bizə belə bir qərar daxil olmayıb".
 
Qeyd edək ki, Rusiya Müdafiə nazirinin müavini Anatoli Antonov Pekində keçirilən Syanşan Təhlükəsizlik Forumundakı çıxışında Çin, Azərbaycan, Serbiya, Hindistan və Qazaxıstanın Suriyaya humanitar yardım göndərməyi planlaşdırdığını bildirmişdi.

Günay Cəfərova

LiderXeber.az
SON XƏBƏRLƏR


Yuxarı