2016-09-22 14:45

Azərbaycanın yüksək dağlıq ərazilərinə qar yağıb - FOTO

Qubaya qar yağdı.

Ötən gün axşam saatlarından başlayaraq Qubanın kəndlərinə qar yağıb.

LiderXeber.az-ın məlumatına görə, rayonun Mohuc kəndində yollar, evlərin damları ağ örpəyə bürünüb. 

Qarın görüntüləri sosial şəbəkələrdə yayılıb.

Qeyd edək ki, Ekologiya və Təbii Sərvətlər Nazirliyinin Milli Hidrometeorologiya Departamentinin proqnozuna əsasən bu gün Azərbaycanın rayonlarında hava şəraiti əsasən yağmursuz olacaq. Axşam və gecə bəzi dağlıq və dağətəyi rayonlarda şimşək çaxacağı, yağış yağacağı gözlənilir. Qərb küləyi ayrı-ayrı yerlərdə arabir güclənəcək. 

Havanın temperaturu gecə 16-21, gündüz 25-30, dağlarda gecə 9-14, gündüz 15-19 dərəcə isti olacağı gözlənilir.



Aylin Vəliyeva

LiderXeber.az
SON XƏBƏRLƏR


Yuxarı