2014-04-09 13:12

Yuxudan Ayılın!

Hər şey normaldı, dərsimi bitirib evə qayıdırdım, hava küləkli idi və qəfildən sürətlənən külək bütün bədənimi titrətdi,özümü küləkdən qorumağa çalışarkən balaca otlardan tutmuş, qocaman ağaclara qədər bir anlıq keçdi nəzərimdən..hər biri var qüvvəsilə torpağa dayanaraq, sinə gəlirdi küləyə.......lap kövrəyi də, qocaman, sərti də........... bunlar gəldi ürəyimə:

Ey yarananlar, Ey nankorlar, biz Yaradanın mində bir faizi qədər deyilik, əgər o istəsə, bizi düşünə bilməyəcəyimiz qədər qısa zamanda yox edər.Hər anımız elə qəfildən dəyişər ki, nəyin -necə olduğunu,kimin-kim olduğunu belə, xatırlaya bilmərik, axı bütün bu dediklərimi  görərək, eşidərək, şahid olaraq, yaşlanırıq və yaşadığımız hər anda da bunlar davam edir.............

O zaman sual verirəm sizə:

- Bəs biz insanlar niyə  nankoruq? niyə  hiyləgər ,  saxtakarıq?  niyə özümüzdən başqa gəlirimizdən başqa heç kimi , heç nəyi düşünmürük,niyə?

Biri bahalı maşınını,  biri bahalı villasını,  biri daş qaşını, biri nəbilim nələrini  düşünür--aralarımızda elə insanlar var ki, ana-atasıdan çox pulunu sevir. - deyir: "məni kişi edən, bu kağızlardır!”

Elələrimiz var ki, uşağının əlindən çörək alıb yeyir ki, mən doyum sonra sən yeyərsən,analar var ki, uşağını dilənməyə məcbur edir, ərlər var ki həyat yoldaşını evdən qovur ki, get pul gətir,qardaşlar var ki, ata malı üstündə qırır bir-birini, bacılar var ki, bir oğlana görə nifrət edir bir-birinə, bir az da dərindən düşünsək...qoca anasını dilənməyə vadar edənləri,qoca atasını yararsızsan deyib də, küçəyə atanları,bacısını xarici ölkələrə pul qazanmağa göndərib də özü burda qeyrətdən,namusdan dəm vuranları da qeyd edə bilərik.. baxın o  zaman, inanın ki,dəli olarıq--biz necə insanıq? vəhşilərdən nə fərqimiz var?----ancaq görkəmimizləmi?

O görkəmi? biz bir an icində itirə bilərik - kaş, bunu anlaya bilərdik necə ki, var olan yox olur. heç olmayan dünyaya gəlir  heç olmasa bir anlıq düşünün , biz heç kimik və heç kim olacağıq, var olanların və olmayanların sahibi Tanrıdır  əlinizdə olanlar, yanınızda olanlar, ətrafınızda olanlar, bütün canlı-cansız ona məxsusudur, biz şüurusuz insanlar, onun var dövlətini ona qarşı qoyuruq  - bizə nə ad vermək olar görəsən?

Allah bizə bu dünyanı verdi , ey insan, yaşa, qur, sev, sevil, amma .bu dünyamız  həqiqətən bilsək nə vəziyyətdədir,ən azından özümüz-özümüzə nifrət edərik....

Guya inkişaf etmişik, amma qazandıqlarımız itirdiklərimizin qarşısnda nəzərə alınmayacaq qədər azdır, bunu bilirik ,görürük və hər birimiz bundan öz zərərimizi görürük, amma heç kim özünə bəsdir, belə etməyək demir-şüursuz bir sürü kimi davam edirik ki, görək nə zaman təbiət bezəcək, Tanrı nə zaman qəzəb daşı yağdıracaq başımıza........

Bunu istəyirik??

Ay  insanlar, bəlkə insanlaşmanın zamanı gəlib? anlayın və ayılın bu yuxudan!!!!!!!!!!

 

Aytən Səfərova

            LiderXeber.com

SON XƏBƏRLƏR


Yuxarı